Вечерашната средба на која СДСМ заедно со коалиционите партнери го потпишуваше договорот за коалиција за настап на изборите го донесе финалниот печат на сите бунтови кои се кренаа во партијата од моментот на промовирање на листите со кандидати за пратеници се до денес
Печат на пукањето по шавови од сите страни на изборниот коалиционен план на СДСМ вечерва го удрија заеднички Зоран Заев и Драгиша Милетиќ, откако претседателот на СДСМ во коалицијата го покани расколникот Милетиќ и смртен непријател на „отпорот“ на СДСМ во очи на минатите локални избори.
Фукционерите на СДСМ, членовите и најгласните активисти и поддржувачи дигнаа голем бунт поради учеството на Милетиќ во коалицијата за настап на изборите, поради неговото отстапување на печатите од неговата партија на Стевче Јакимовски за настап на локалните избори во 2013 година.
Овој потег на Милетиќ сите во СДСМ освен Зоран Заев го сметаат за предавнички, а вечерашниот потег на Заев исто така сите освен Заев го водат во истата категорија. Дури и се шпекулира дека со ова Заев му се оддолжува на Милетиќ кој имал наредба од Заев доколку не го убеди СДСМ за настап на локалните избори во 2013, да „удри печатче“ и за Заев исто како и за Јакимовски, за да може лидерот на СДСМ да трча на локалните во Струмица.
Веќе проследивме дел од реакциите на високи партиски функционери и поддржувачи на СДСМ, а тие не стивнуваат туку се разгоруваат. Сеир на одлуката на Заев вечерва удрија и Героски, Љуми и Петрит Мра Сараќини.
