Како што самите гледате, извештајот на госпоѓата специјална обвинителка се претвора во бестселер и непресушна инспирација – вели Љупчо Пренџов организационен секретар на ГРОМ, на денешната прес конференција на партијата
Посебно, оној дел каде што таа, веќе отворено и транспарентно ги повикува сите криминогени или потенцијално криминални структури во државата да соработуваат со неа. Па вели:
„Во текот на извештајниот период ги повикавме сите субјекти кои поседуваат незаконски прибавени аудио и друг вид на разговори помеѓу одредени лица, истите да ги достават во најкраток можен рок до СЈО!“
Госпоѓо специјална:
Определете се на која страна сте – на законот или на криминалот – велат од ГРОМ.
Знаете добро дека поседувањето на незаконски прибавени прислушкувани разговори е кривично дело само по себе! Дали сте свесна дека со ова не само што повикувате на криминогена соработка туку уште повеќе го стимулирате „производството“ на вакви незаконски стекнати материјали – вели Пренџов.
Во што се претворате? Во инквизиција поврзана со лумпен пролетеријат?
Почитувани, кога на ова ќе се надодаде и барањето за измена на законот за заштита на сведоци, таа всушност бара начин, да може полесно да ги озакони: заканувањето, уцените и потплатувањето на сведоци, затоа што очигледно, ништо крупно и ништо спектакуларно не најде кај претставниците на власта. – додаваат од ГРОМ.
Госпоѓо специјална, и вчера ве прашавме и повторно ве прашуваме: кажете ни има ли нешто од наводните 5.5 милијарди незаконски испрани и изнесени евра надвор од РМ. Кажете ни нешто за 16 милиони „кинески пари“? И конечно граѓаните на РМ ги интересира кој прислушувал, кој го нарачал прислушувањето и кој платил за истото? – прашуваат од партијата.
И во самиот извештај велите дека ви се обесхрабрувале обвинителите, а тоа е зашто беспотребно трошите 4 милиони евра, па сега спас барате во наместени сведоци бидејќи ви се „уарни“ комодитетот, платата од 3.000 евра, па барате од меѓународната заедница неограничен рок за специјално обвинителство. – заклучува организациониот секретар на ГРОМ Љупчо Пренџов.
