Крсте Мукоски пратеникот на ВМРО-ДПМНЕ денес од собраниската говорница изјави дека пратениците од СДСМ со Марко Зврлевски како Јавен Обвините или без него, еден ден ќе одговараат за рушењето на уставот на 27 Април.
„Кога го споменувате 27 Април, ќе го кажам следното: Со Марко Зврлевски или без Марко Зврлевски еден ден ќе одговарате за најтешките кривични дела, а тоа е рушење на уставот, велепредавство и ништење на државата Република Македонија со сето она што го направивте и од тоа нема да избегате за сето она што го организиравте и спроведовте на 27 Април“, вели Мукоски.
Пратеникот додаде ако пратениците на СДСМ малце имаат образ ќе се срамат од тие што нив ги водат бидјќи тие беа режисерите и сценаристите на случувањата од 27 Април. На крајот од својата реплика тој им се обрати на пратениците на СДСМ и изјави: ,,Епитетот на предавник на сопствената држава ќе го носите доживотно, а казната за тој епитет ќе ви ја дадат токму оние на кои што припаѓате.’’
