Британскиот весник „Гардијан“ предвидува „лош развој на настаните“ откако кон брегот на Сирија се упати руската фрегата „Адмирал Григорович“
Во петок, според наодите на весникот, воениот брод впловил во Средоземното море како засилување на групата на носачи на авиони на руската воена морнарица, што „Гардијан“ го нарекува „нагласена демонстрација на воено-поморската сила“. Весникот наведува дека „Адмирал Григорович“ е опремен со страшни крстаречки ракети „калибар“. Истите овие ракети можат да ги носат и три други подморници, кои според пишувањата на британските медиуми, исто така се во Средоземното море.
„Гардијан“ во текст изнесуа претпоставка дека овие ракети би можеле да бидат искористени за напади во Алепо во „наредните денови или часови“.
„Доаѓањето на ‘Адмирал Григорович’ и подморниците со крстаречки ракети би можело да го зголеми разорувањето на кое е подложено Алепо“, тврди весникот. Присуството на носачот на авиони „Адмирал Кузњецов“ во Средоземното море, весникот го карактеризира како демонстрација на воена моќ. Кога носачите на авиони се паркираат во близна на други земји тогаш нема проблем? „За важноста на оваа експедиција сведочи и фактот дека руските морнари за неколку дена патување по Средоземјето ја фарбаа палубата во силно сина боја, веројатно затоа што така подобро изгледа на аеро-снимките“ пишува Гардијан.
