Патник во автобус во рускиот град Санкт Петербург е избоден со нож по караница со двајца патници, кои одбиле да носат маска за лице, објави новинската агенција „Интерфакс“, повикувајќи се на полицијата.
Според информациите, жртвата се расправала со маж и жена, кои седеле пред него во автобусот, поради тоа што не носеле маски, пренесе Ројтерс.
Неговите коментари го охрабриле човекот кој седел да стане нагло и да и се развика на жртвата. Расправијата продолжила и на улица, при што човекот кој не носел маска го избодел со нож другиот. Раната била фатална за човекот.
Телото на жртвата, кого Интерфакс го идентификуваше како 53-годишен маж од периферијата на Санкт Петербург, беше пронајдено со убодна рана во грбот во вторникот вечерта, објави новинската агенција.
Двајцата осомничени биле приведени следниот ден и покрената е кривична истрага.
