МЕРКЕЛ: Германија сака и после Брегзит да остане близок пријател со Велика Британија, но Европа ќе ги брани своите интереси

- Advertisement -

Германија сака и после Брегзит да остане близок пријател со Велика Британија, но Европа ќе ги брани своите интереси, а посебно интегритетот на единствениот пазар во тешките преговори кои следуваат, порачала денеска канцеларката Ангела Меркел.

Меркел истакнала дека влезот и излезтот на Велика Британија од ЕУ, претставува длабока лузна за Германија и цела Европа и оценила дека преговорите за идните трговски односи нема да бидат лесни, а имала и предупредување за Британците.

„Што повеќе Британците ќе се оддалечуваат од условите на европскиот пазар, повеќе ќе се менуваат нашите односи“, рекла Меркел. Германската канцеларка истакнала дека ЕУ има силно влијание и дека е одлучна да ја продолжи приказната за преостанатите 27 членки.