Министерот за труд на Словенија, Јанез Циглер, по состанокот со претставниците на словенечките синдикати објави дека оваа година минималната плата ќе се зголеми од претходната 941 на 1024 евра бруто.
Ова се смета за втора најважна од осумте мерки во законот за економска помош за време на епидемијата на вирусот корона во Словенија, пренесува СТА.
Новата формула за пресметување на минималната загарантирана плата во Словенија одредува дека таа мора да биде најмалку 20, но не повеќе од 40 проценти над минималните трошоци за живот, пренесува Танјуг.
Синдикатите не се задоволни од ваквиот пристап на владата, а претседателот на ПЕРГАМ, Конфедерацијата на словенечки синдикати, Јакоб Почивавжек, предупредува дека зголемувањето не вклучува реални зголемувања на трошоците за живот од 2017 година, кога минатите трошоци беа последно пресметани.
