Истрагата за перењето пари во НЛБ банка опфати осуммина, меѓу кои екс министер од владата на Груевски и Ахмети, поранешен директор на банката, адвокат, нотар и други лица, како и еден државјанин на Словенија, пренесува агенцијата Макфакс. 
Четири од осумте лица се сомничат за злоупотреба на службената положба и овластувањето, перење пари и други приноси од казниво дело.
Според информациите на новинската агенција, од обвинителството се сомневаат дека осомничените во периодот од 2006 до 2017 година основале фирми, подигале кредити и префрлале пари во Словенија и во австриски фирми, а потоа дел од средствата ги инвестирале во отворање нови фирми и купувале недвижен имот во Битола.
Обвинителката Ивана Трајчева од Обвинителството за гонење организиран криминал и корупција донела наредба за вештачење во предметот за злоупотреба на службената положба и перење пари во НЛБ банка, потврдија од таму за Макфакс.
