„Кацарска судството“, „Рускоска обвинителството“ беа тема на денешниот протест на опозициската ВМРО-ДПМНЕ, која излезе во Кочани да го искаже револтот д работењето на актуелната власт. Пред насобраните граѓани во овој дел од земјава говорепе лидерот на партијата, Христијан Мицкоски кој посочи дека владата преку „Кацарска судството“, „Рускоска обвинителството“ и нарачани сведоци сакаат да му нанесат штата на ВМРО-ДПМНЕ.
-Ќе се појави „Кацарска судството“ и „Рускоска обвинителството“ и тогаш ќе се појави некое нарачано сведочење кое што има две цели. Првата цел е како да му нанесе штета на ВМРО-ДПМНЕ, како ВМО-ДПМНЕ да го претстави како црн ѓавол, да го демонизира дека ВМРО-ДПМНЕ правело нешто што не правело. Тоа е со единствена цел браќа и сестри, сопатници. Сакаат да го уништат ВМРО-ДПМНЕ, им пречи ВМРО-ДПМНЕ, им пречи овој народ ширум Македонија, им пречи хрброста и честитоста на овој народ, затоа што знаат дека се додека постои ВМРО-ДПМНЕ и последниот од нас ќе постои Македонија, затоа што Македонецот на Македонецот е Македонец. И се додека постои ВМРО-ДПМНЕ, постои дамакловиот мач надвиснат над нивните криминални глави, полни со монструозни издеи за криминал, мозок натоварен со грст народни пари, чудни мисли, неморал. За да бидат осудени еден ден, а тој ден јас ви ветувам дека ќе дојде многу брзо, многу брзо ќе го поразиме и СДСМ и Зоран Заев но и тие квислинзи кои што застанаа рамо до рамо со нив, сите на купче ќе ги поразиме, рече Мицкоски пред насобраните кочанчани.
