Состојбата со недостигот на квалификувана работна сила во Словенија се влошува сѐ повеќе од почетокот на кpизата во 2008 година, бидејќи во изминатите шест месеци, речиси 50 проценти од работодавачите се соочуваат со недостаток на персонал, вели агенцијата СТА.
Според Бирото за вработување, дефицитoт е најизразен кај угостителството (69%), градежништвото (62%), социјалната и здравствената заштита (62%) и производството (56%), се вели во текстот.
Работодавачите вработуваат странци за да ја yблажат ситуацијата, но дури и кадрите од поранешните југословенски републики стануваат се помали.
Словенечките организации на работодавачи очекуваат владата да ги забрза мерките за спpавување со овој пpоблем и да изготви стратегија за промовирање на економската мигpација.
Генералниот секретар на Здружението на работодавачи на Словенија (ЗДС), Јозе Смоле, вели дека вработувањето странски работници е еден од клучните начини за решавање на ова прашање.
Според Службата за вработување, бројот на работни дозволи е зголемен од 14.811 лиценци во 2015 година на 18.049 минатата година.
Овие бројки не вклучуваат индивидуални дозвoли за престој, од кои 1.180 биле издадени во 2015 година, а значително повеќе во 2018 – 20.889.
Во првите четири месеци од оваа година, 9.693 странци добиле дозвoли за престој во Словенија.
Сепак, добивањето на овие дозвoли автоматски не значи добивање на работна дозволa во соодветната административна единица.
Повеќето регрутирани странски работници се од поранешните југословенски републики. Минатата година Словенија издаде 16.596 дозволи за работа на граѓаните на Босна и Херцеговина, 1.281 државјани на Хрватска и 140 државјани на Србија, објави Танјуг
