Гостиварската полиција откри уште една обложувалница која работела без потребните документи и дозволи, информираат од СВР Тетово. По контролата, заплената е опремата од локалот.
– Полициски службеници на СВР Тетово – полициска станица Гостивар, вчеравечер околу 19 часот извршиле контрола во спортска обложувалница во Врапчиште, која работела без потребните документи-дозвола од надлежен орган. При тоа, од лицето Н.Р. (51) од тетовски Раковец, времено му е одземена целокупната опрема што се наоѓала во објектот, вели портпаролот Марјан Јосифоски.
По целосното расчистување на сите поединости, ќе следува соодветен поднесок по Законот за игри на среќа. Пред две вечери, во соседното село Топлица беше откриена нелегална обложувалница. Заради противење и попречување на контролата, при што еден полциаец бил физички нападнат, прведени беа три лица.
