Битката со катастрофата во Грција продолжува и понатаму. Страшните слики кои ги прогонуваат луѓето со денови, ќе продолжат и во следните неколку дена. Метеоролозите најавуваат нова бура Зенон која доаѓа од Средоземното Море ноќеска ќе ја погоди Грција.
Според синоптичарите Зенон со себе носи нов бран поројни дождови и ветар како на почетокот на неделата, кога беа предизвикани катастрофалните поплави крај Атина и во кои досега загинаа 16 луѓе.
Реките од кал и вода предизвикани од Евридика веќе уништија илјадници домови, болници, продавници, училишта. Граѓаните без кров над глава во страв и паника ги чекаат новите дождови.
„Се е уништено. ништо не остана од домот, и двете коли кои ги поседувава водата ги однесе. Домот ми цел во кал“.
„Се е уништено, се е искршено, ништо не остана од нашиот дом. Се беше ново, мебелот беше нов, дури и вратите од мојот дом се бутнати од водата“, велат граѓаните.
Од вчера во Грција е тридневна жалост. Сите училишта во областа Атика се затворени, властите и спасувачки екипи трагаат по исчезнати во библиските поплави. Грчките власти објавија дека сите што имаат потреба добиваат помош.
