„Од 20 ВМРО-а, сега се останати само две, и тоа едното е со мал број на активисти. Сите тие ВМРО-а се претопени во ВМРО-ДПМНЕ. Тоа е случено додека лидер на ВМРО-ДПМНЕ е Никола Груевски“, вели Пандов.
Обратниот процес, на раздвојување на ВМРО-ДПМНЕ, потенцира Пандов, почнувајќи од 90-91 година, се случил додека претседател бил Љубчо Георгиевски.
„Сега каква ќе биде неговата одлука, јас се надевам дека ќе го сфати историскиот момент, ќе разбере колку е важно сега… не толку како гласови, јас не сум нешто уверен дека ВМРО-НП кога би било со ВМРО-ДПМНЕ толку гласови на контото ќе донесе. Но како порака и до меѓународната и до внатрешната заедница, дека ВМРО е обединето и кога е Македонија во проблем, кога има Македонија политичка криза, Македонецот, патриот човек, христијанин, знае која е вистинската опција“, изјави Пандов.
