Научници од Универзитетот на Пенсилванија во САД сметаат дека печурките од видот болетус едулис може да го намалат стареењето на човековиот организам поради мноштвото антиоксиданси што ги содржат.
Благодарение на ерготионинот и глутатионот, како и на витаминот Д, оваа намирница може значително да го забави влијанието на времето врз човекот, негувајќи ја кожата и зајакнувајќи го имунолошкиот систем, како и процесите на регенерација.
Овие аминокиселини се содржат и во зеленчукови и овошни плодови, но во печурките нивното присуство е до 10 пати поголемо.
Тим од научници од Универзитетот во Сингапур шест години спроведувал истражување за влијанието на консумирањето на печурки врз мозокот на постарите лица. Во истражувањето учествувале повеќе од 600 испитаници постари од 60 години.
Резултатите покажале дека постарите лица кои консумираат повеќе од две стандардни порции печурки неделно, можат да имаат дури 50 проценти намален ризик од развој на благ когнитивен дефицит. Ова пореметување го карактеризира помала пречка на когниција како што е заборавливост, но и благо пореметување во говорот, концентрацијата и снаоѓањето во просторот, меѓутоа, овие симптоми не влијаат значително на секојдневните активности на личноста.
