Специјалните јавни обвинителки Фатиме Фетаи и Катица Јанева со некултура, ароганција и правење циркузи во судницата се обидоа да ја покријат својата неспособност и правно незнаење на продолжението од рочиштето за случајот „насилство во Општина Центар“.
Фатиме Фетаи побара од судијата да казни парично обвинет кој реагираше на непочитувањето и циркузот кој го правеа специјалните обвинителки.
На ова судијата реагираше дека Фетаи не го познава законот и прописите и дека обвинет не може да биде казнет, по што наиде на реакција и од присутните во судницата кои гласно го коментираа правното незнаење на Фетаи.
Потоа повторно Фетаи и Јанева продолжија со циркузот во судницата, навредливи зборови за судијата Татјана Михајлова, нејзино лично дисфалификување и дискредитација, што беше забележано како еден преседан кој досега не е регистриран од основањето на Судот па до сега.
Искусните правници кои беа присутни коментираа дека ова претставува прикривање на неспособност и своевиден преседан, а обвинителките дошле во судницата за да го прекинат распитот.
