Заробена во спрегите на политичката корумпираност, Македонија никако да излезе од сиромаштијата и да го најде патот до европските земји, пишува порталот Економски.
Слабостите на менаџирањето со јавните финансии и неефикасноста на буџетските трошења, зголемениот јавен долг, стагнацијата во структурните реформи, или накратко, лошите економските политики на државата во последниов период, се причини за економското стагнирање, па дури и економско назадување на Македонија.
Со секоја наредна анализа, се намалува и проекциите
Финансиските институции се испокараа меѓу себе. Светските финансиски институции и економските експерти на неколку наврати го намалија прогнозираниот раст за Македонија. Лошите економски политики на власта, го натераа Меѓународниот монетарен фонд да се посомнева во своите прогнози и на двапати да ја ревидира стапката на раст, од 3.5%, на 3.2%, и од 3.2%, на 2.5%.
Меѓутоа и оваа прогноза на намалена стапка не е одраз на реалната слика за македонското стопанство, па така, покрај Светската банка и Стопанската комора на северозападна Македонија, кои го намалија прогнозираниот раст на ММФ за Македонија, од 2.5%, на 1.5% и 0,7%, соодветно, и најновата анкета на НБРМ, прогнозираше дека годишниот раст на БДП ќе се движи во интервалот од 0,5% до 0,9%, за 2017.
