Организаторите на анти-владиниот протест во Атина закажан за 4-ти фебруари очекуваат на истиот да имаат повеќе од еден милион присутни демонстранти, на кој ќе се протестира против името Македонија и ќе се испорачаат барања за промена на Уставот на Р.Македонија
Стерјос Калогирос, еден од организаторите на протестот на 4.фебруари, за АП изјавил дека е оптимист дека во Атина ќе се собере голем број на демонстранти, особено откако добиле поддршка и од религиозните групи како грчката православна црква.
„Локалните владини претставници го поддржуваат протестот и велат дека градоначалниците низ целата земја ќе помогнат во организацијата со испраќање на автобуси со луѓе од целата земја во Атина. И црквата го даде својот благослов.“ 
Грчката анархистичка група „Рубикон“ пак најави дека на протестите може да „падне и крв“ бидејќи на тој ден тие ќе се спротивстават на „фашистичките тенденции“ на десничарските политики во земјата.
Од „Рубикон“ велат дека можно е да има и жртви.
