Воената активност на Северноатлантската алијанса го достигна највисокото ниво од времето на Студената војна, а како причина се користи митот за наводна руска закана, рече рускиот министер за одбрана, Сергеј Шоигу.
Како што истакна, политиката на НАТО е насочена на зголемено воено присуство на источното крило.
Покрај тоа, Алијансата значително ги зголеми извидувачките активности во регионот на Балтикот и Црното Море, рече Шојгу.
“Од почетокот на годината, руската авијација беше принудена да ги подигне своите ловци повеќе од 120 пати поради можните повреди на воздушниот простор”, додаде тој.
Руските медиуми повторуваат дека Москва официјално во повеќе наврати соопштуваше дека Русија не е закана за ниту една земја, туку дека нема да ги остави без одговор сите овие активности во близина на нејзините граници.
