Електронската анкета организирана од страна на СДСМ покажува дека актуелниот градоначалник на општина Карпош, Стевчо Јакимовски е во предност пред кандидатот на СДСМ, Стефан Богоев. За Јакимовски гласале 805, а за Богоев 613 луѓе.
Градоначалникот Јакимовски преку Фејсбук им се заблагодари на сите кои му ја дале поддршката, но побара веќе да не гласаат, туку да ја чуваат гласачката енергија за 15 октомври.
-Голема благодарност до граѓаните на Карпош што ми ја даваат поддршката на електронската анкета организирана од страна на штабот на СДСМ. Граѓаните на Карпош јасно покажаа дека стојат позади мене и ги замолувам сите мои поддржувачи да престанат со гласање на оваа електронска анкета и да ја чуваат гласачката енергија за 15 Октомври.Искрено ваш Градоначалник, Стевчо Јакимовски, напиша Јакимовски на својот Фејсбук профил.
