Секоја година иста приказна – цела зима се штедите од јадење и пиење за да не се соочувате со последици, но како за инат последната вечер од годината им потпаѓате на овие искушенија.
Ако вечер претерате, а утре сакате нормално да функционирате, почнете со детоксикација на време.
1 чекор: Избегнувајте ги остатоците од храната
Остатоците од вчерашната храна која стои веќе неколку часа не е решение, туку само нов проблем. Фрлете ги сите кифлички, руската која останала по чинии или месото кое не се дојало. Телото ќе ви биде благодарно.
2 чекор: Наместо црн чај и кафе, пијте многу вода
Сите пијалаци кои содржат кофеин само ќе ви ја влошат состојбата. Наместо нив, консумирајте билни незасладени чаеви од брусница или коприва, или испијте 2 литри вода. Добро е доколку на половина час пиете по неколку голтки вода во првите 5-6 часа откако ќе се разбудите.
3 чекор: Појадувајте храна богата со влакна
Овошје, зеленчук, интегрални житарки, ореви и лешници и семки се само дел од опциите кои ќе ја одржат нормалната работа на цревата и ќе ги исфрлат токсините од телото.
4 чекор: Негувајте се
Покрај внатрешната детоксикација, потребно ви е чистење и на кожата. Направете си топла купка и темелен пилинг, а потоа целото тело премачкајте го со хранливо масло или крема.
5 чекор: Не ги заборавајте витамините
Ако не можете да ги консумирате во свежа состојба, важно е да ги внесете во вид на таблети. Најдобро е да внесете многу витамин Ц, а покрај него може да консумирате Омега-3 и Омега-6 масни киселини.
6 чекор: Пет порции овошје и зеленчук дневно
За време на ручекот или вечерата испланирајте во вашата чинија да има околу 60% овошје или зеленчук. Јадете разновидни плодови за организмот да ги добие сите потребни витамини и минерали.
7 чекор: Поттикнете го излачувањето на штетни материи
Процесот на детоксикација може да го забрзате со неколку вежби или квалитетен сон. Исто така, масажата и сауната се добредојдено честење кое ќе ви помогне да ги исфрлите токсините од организмот.
