Српскиот претседател Александар Вучиќ денес ја потврдил намерата дека на 15.фебруари во Народното Собрание ќе биде усвоена посебната декларација за политичка независност и воена неутралност на земјата, за што пишуваа тамошните медиуми
„Ако успееме тоа да го направиме до Сретение Господово, тоа би било убаво. Никогаш не можете да кажете за ден или два, така да го местите, собраниските процедури се такви…Верувам дека една врста на потврда за внатрешната и надворешната политика на Србија, за која мислам дека даде резултати и предивика почит од целиот свет, би можеле тоа да го направиме, не поради себе, туку поради идните генерации“, рече Вучиќ пред новинарите.
Тој додаде дека Србија се држи до тие политики.
„Важно е кога ќе потврдите еден курс, тогаш вас и другите ве гледаат на тој начин. Мене неодамна белгиската премиерка ми рече ‘Вие во Србија Александар, познати сте по тоа што имате самостојна и независна политика’. Знаете ли која е тоа чест и каква е тоа реткост да се слушне во денешните европски рамки“, вели Вучиќ.
