Британскиот произведувач на луксузни спортски автомобили оваа есен го претстави својот прв „SUV“ во историјата на компанијата.
Астон Мартин со моделот „DBX“ им се приближи на компаниите како што се Бентли, Ролс-Ројс и Ламборџини кои уште претходно одлучија во својата гaмa да воведат „SUV“ возила.
Иако не стандардни за овие автомобилски компании, „SUV“ моделите им донесоа нови купувачи и повеќе профит.
Астон Мартин со моделот „DBX“ има слична цел и сака после два исклучително лoши квартали повторно да стане профитабилен.
Влогот во „DBX“ е голем за компанијата, затоа што сите карти моментално се фрлени на него, со оглед на падот на интересот кај купувачите за некои типични Астон Мартин модели.
Целта е да се донесат нови купувачи, кои никогаш порано не биле сопственици на автомобил од овој бренд, но компанијата очекува и дека нивните традиционални клиенти кои во својата гаража имаат „SUV“ од друг произведувач, ќе се преориентираат на Астон Мартин „DBX“.
Првиот човек на компанијата, Енди Палмер проценува дека продажбата на „DBX“ во почетокот ќе изнесува околу 4.000 автомобили годишно, за подоцна да се достигне и бројка од 5.000 возила. Тоа значи дека овој модел ќе биде убедливо најпродаваниот Астон Мартин за 2020 затоа што Палмер предвидува дека вкупната продажба на возила од оваа марка ќе изнесува од 6.000-6.500 единици.
