Веќе видено сценарио на скапо платениот со народни пари PR тим за пропаганда на СДСМ, реагира членот на ИК на ВМРО-ДПМНЕ Орце Ѓорѓиевски.
Немајќи со што и за што да го обвинат Христијан Мицкоски, истите тие скапо платени канцелариски мешетари шират ваков тип на стари видеа и снимки од пред една година, според кои спортувањето на претседателот Мицкоски е голем грев, многу поголем од сите матни бизнис зделки на З.З. , многу поголем од продажбата на националните интереси на македонскиот народ и Македонија, многу поголем грев од сите криминали и корупција на оваа најнеспособна влада предводена од СДСМ.
Господо од СДСМ треба да бидете на чисто со неколку работи:
На нашиот народ му е совршено јасно кој е ЗЗ и СДСМ;
На нашиот народ му е совршено јасно што е лажна пропаганда, особено ако истата доаѓа од вашата кујна;
И на крајот, на нашиот народ му е совршено јасно, но треба и вам да ви биде јасно дека досега ниту еден човек не одговарал за спортски активности. Одговарале и ќе одговараат криминалци како тие кои ви ги даваат инструкциите за лажни вести и црна пропаганда, порачува Ѓорѓиевски.
