Игор Јанушев во вечерашното гостување на ТВ 24 рече дека едно е сигурно, а тоа е дека завршува политичката кариера на Зоран Заев.
Политичката кариера на Заев на еден или друг начин завршува. Дали со оставките кои ги најави, или ако рететира само ќе го одложи процесот. Но, не е клучното дали Заев ќе се повлече или не. Многу е битно и што ќе се случи со заевизмот. Дури и во оние „мрачни, режимски“ времиња на ВМРО-ДПМНЕ бевме на подобри места во борбата против корупција. Главната борба е да се промени оваа власт. Борбата не е ВМРО-ДПМНЕ против Заев, туку народот против заевизмот, рече Јанушев.