Еден рибар, од филипинскиот остров Палаван, пронашол џиновски бисер тежок 34 килограми, кој го чувал 10 години како амајлија за среќа.
Тоа воедно би можел да биде и најголемиот, кога и да е, пронајден бисер на светот, за дури пет пати поголем од претходниот, кој се сметал досега за најголема, пишува „Дејли меил”.
Неименуваниот рибар всушност, не бил ни свесен дека поседува вистинско богатcтво вредно околу 100 милиони долари. За време на една буpа, додека бил во риболов со својот чамец, „закачил” нешто, за што мислел дека е карпа. Рибарот одлучил да нурне и го извадил бисерот. Десет години го чувал под креветот како амајлија за среќа.
Откако неговата дрвена куќа изгорела, тој бисерот го предал на туристички службеник во градот Пуерто Принцесци. Филипинските власти се надеваат дека ќе можат да го задржат бисерот за да го поттикнат туризмот, со оглед на тоа дека бисерот преку ден е изложен на јавноста.
Титулата за најголем бисер досега ја имаше „Алаховиот бисер”, тежок 6,4 килограми и вреден 35 милиони долари.
