Нема ништо од ветувањата на градската власт и градоначалникот Петре Шилегов за подобрување на екологијата во градот, но и мерки за подигнување на квалитетот на воздухот. Скопје е помеѓу најзагадените градови во Европа, воздухот е токсичен, а рекреативните зони се користат како пасишта на стока и депонии
На социјалните мрежи забрзано се шири фотографија од врвот на Водно, на која може да се види како крави го растуриле ѓубрето од кантите по пристапната улица до „Милениумскиот крст“.
Истата фотографија е направена и неколку дена подоцна, денес, на која се гледа дека никој не превземал мерки истото да се исчисти. 
На Водно во моментов се гради и гасовод, кој ќе значи сечење на илјадници кубни метри дрвја, но и покрај реакциите на граѓаните, протестите и разговорите со градските власти, истата продолжува.
