Судењето утврди дека Ѕвездан во 2003 година со снајпер го уби Ѓинѓиќ, но постојат многу теории дека тоа не е точно и дека тој не е вистинскиот убиец
Ненад Вукасовиќ, адвокат на осудениот Ѕвездан Јовановиќ за убиство на Зоран Ѓинѓиќ, тврди дека знае кој го ликвидирал премиерот.
– Зоран го убија моќници однадвор со кои дојде до конфликт и кои го доведоа на власт. Ако мислите дека семејството ќе биде задоволно кој било да биде осуден, тогаш се лажете – вели адвокатот.
Судењето утврди дека Ѕвездан во 2003 година со снајпер го уби Ѓинѓиќ, но постојат многу теории дека тоа не е точно и дека тој не е вистинскиот убиец.
Вукасовиќ тврди дека куршумот што го уби премиерот не дошол од улицата „Адмирал Гепард“, туку од улицата „Немањина“ и дека имало три куршуми, а првиот смртно го застрелал Ѓинѓиќ.
Третиот куршум се слушнал послабо од другите два и не можело да се утврди од каде доаѓал. Користен бил посебен уред кој го намалува звукот во радиус од 360 степени.
