Тажна вест ја потресе Србија, откако денеска почина српската репрезентативка и олимпијка во стрелаштво, Бобана Момчилиќ Величковиќ.
Европската шампионка во стрелаштво го загубила нејзиниот живот при породување, а за тоа известија српските медиуми, од кои се очекуваат повеќе детали.
„Повеќекратната европска шампионка во стрелаштво Бобана Момчиловиќ Величковиќ почина по Белград на 31 година“, соопштиле од сојузот на Србија.
Бобана во февруари годинава ја освоила титулата на европски првак во дисциплината воздушен пиштол на 10м во Полска.
Со стрелаштвото почнала на само девет години, а првиот медал на големите натпреварувања го освоила во 2007, кога на Европското првенство се изборила за бронзен медал, а во кариерата има уште неколку големи успеси.
На Олимписки игри учествувала двапати, во Лондон 2012 и Рио де Жанеиро во 2016. Пред четири години го освоила седмото место со воздушен пиштол.
Во својата колекција има и по еден златен и сребрен медал од турнирите на Светскиот Куп.
