Зијадин Села ќе ја напушти владата ако во договорениот период од 100 дена на Влада, не биде исполнето договореното и не се воведе целосна двојазичност во државата – пренесува ИНА
Партијата „Алијанса на Албанците“ вчера за ИНА изјавиле дека оваа одлука е финална: Ако нема закон за воведување на целосна двојазичност, нема зошто да присуствуваме во владата како марионети поради рејтинзите на СДС и Зоран Заев.
„Ако во 100 дена од новата влада нема решение за Албанскиот јазик, нема да има компромис. Што се однесува на формирањето на владата, ние направивме компромис со тоа што прифативме во првите 100 дена да се усвои овој закон. По овој рок нема да има компромис“ – рекол Села во говор пред организацијата во Гостивар по завршувањето со ифтарската вечера.
Генералниот секретар на Алијанса за Албанците Арбен Таравари во емисија на ТВ Коха, изјавил дека тие нема да ја поддржуваат владата ако во првите 100 дена не се изгласа закон за јазици.
