Претседателот на ВМРО-ДПМНЕ, Христијан Мицкоски во емисијата „200“ на Алсат М телевизија ги посочи двете клучни грешки кои ги направил премиерот Зоран Заев во преговорите со Бугарија тој вели дека тоа се што е прифатена комисија за историја наместо реформи, а другата грешка е преговарањето за бизниси.
– Првата грешка е кога е потпишан договорот во кој што практично критериум за напредокот на државата во рамките на Европската Унија и остварување на конечната цел било прифатено да се формира комисија која што ќе преговара и договара историски настани. И врз основа тие преговори и договори нашиот источен сосед ќе дава виза дали може ние да отвориме врата или се уште ќе биде затворена, вели Мицкоски.
Тој посочи дека Бугарија одлучува дали ќе бидеме дел од ЕУ заради личности од 1918 година или јазикот, а не затоа што ние сме направиле структурни реформи, за тоа што сме направиле европски вредности, за тоа што имаме добро образование, квалитетен здравствен систем, среќни земјоделци, млади кои наместо да се селат ќе остануваат тука.
– Кога седнал да го потпише договорот направил катастрофална грешка. Уште поголема е грешката е тој што седнал со колега негов, политичар да преговара за бизнис и тоа да е критериум дали Македонија ќе напредува и ќе стане дел од ЕУ. Сега доведени сме малтене чекор пред амбисот, не ги знаеме информациите, кажал Димитров не дава информации , страв му е не знаеме од што, имаме празна целина, нагласи Мицкоски.
Тој потецнираше дека ВМРО-ДПМНЕ најпрвин ќе го порази Заев и ќе направи влада во која што ќе дојдатт луѓе кои ќе се борат со компетенции и знаење и луѓе кои што немаат концесии.
