Три екипи пожарникари со 3 возила на Противпожарната бригада на Град Скопје, придружувани со 3 цистерни со вода од јавните градски претпријатија, се упатија кон Пехчево и Делчево да помогнат во гаснењето на пожарите; соопшти градоначалникот на Град Скопје, Петре Шилегов.
Во регионот беа испратени и хеликоптери, но поради исклучително високите температури на воздухот, веднаш по пристигнувањето на местото на големиот шумски пожар, командантот на ескадрилата донел одлука за нивно повлекување поради ризично зголемување на работната температура, информираше директорот на ЦУК, Стојанче Ангелов на неговиот фејсбук профил.
Поради пожарите што го зафатија регионот на Пехчево и Делчево со кои се опфатени пехчевските села Мачево, Робово и Умлена од полицијата попладнево информираа дека регионалниот пат Делчево – Пехчево е забранет за сообраќај.
Како што соопштија, сообраќајот се одвива преку алтернативните патни правци Пехчево – Смојмирово – Бигла – Делчево и обратно.
Забраната ќе важи се додека се стабилизира состојбата со пожарите
