Лидерот на ВМРО-ДПМНЕ, Христијан Мицкоски денеска беше во посета на Охрид, каде што заедно со градоначалникот Кирил Пецаков означија старт на градежните работи, односно старт на новото булеварско решение во Охрид.
Мицкоски меѓудругото истакна дека промените започнуваат и тие се гледаат токму и во Охрид.
-Промените овде во Охрид започнуваат со многу проекти и сериозна динамика во реализацијата на активности оние кои што беа започнати, но и оние кои што сега ќе започнат а беа дел од ветувањата на програмата на Кирил Пецаков. Тоа што за нас е важно е ветувањата кои што ги дадовме пред охриѓани, но и пред граѓаните во Македонија да ги реализираме и исполниме, да создадеме нова иднина што всушност беше и нашата главна порака на овие избори, да покажеме дека не се сите исти, рече Мицкоски.
