Министерската одлука за привремено огрaничување на врските на Грција со Македонија, Турција и Албанија, од 31 јули 2020 година, што е во сила до денеска, продолжена е до крајот на август, јави дописничката на МИА од Атина.
Во Службен весник на Грција, веќе е објавена конкретната одлука, односно продолжувањето на претходната и е во сила заклучно со 31 август 2020 година.
Одлуката се однесува на воздушните, копнените, железничките и морските поврзувања на Грција со Северна Македонија, Турција и Албанија.
Согласно новата одлука за границите и согласно министерската одлука што денеска стапува во сила, а предвидува зaбрaната за влез во Грција за државјани на трети земји, македонските државјани до крајот на месецов нема да можат да патуваат во Грција.
