Од полноќ е на сила ново затворање во Австрија, се ограничува движењето на луѓето во текот на целиот ден, се со цел да се намали ширењето на болеста. Мерките ќе важат до 6 декември на полноќ.
Покрај претходно донесената одлука за затворање на ресторани и хотели, од денес се затворени забавни објекти, како и аматерски спортови, музеи, библиотеки, но и продавници, освен оние со прехранбени производи, аптеки, банки, пошти, бензински пумпи.
Ограничувањето на движењето е продолжено на целиот ден, така што граѓаните можат да излезат само ако треба да ги купат основните работи, да помогнат на некој друг, да одат на работа или да се шетаат од ментални и физички причини, односно поради шетање на домашно милениче.
Австриската влада побара од работодавците да ја испратат својата работна сила да работи од дома, каде што е можно. Што се однесува до контактите, на едно домаќинство му е дозволено да контактира само со едно лице кое не е член на домаќинството до истекот на мерките.
Министерот за внатрешни работи Карл Нехамер најави дека полицијата ќе ја контролира зголемената усогласеност со мерките, а казните се изнесуваат до 1.450 евра.
