Димче Арсовски, потпаролот на ВМРО-ДПМНЕ вечерва на „Само Вистина“ јавно го запраша Костадин Костадинов за лиценците дадени за мapихуана во време на вонредна состојба.
„Верувам дека седум дена имаше прилика да се распрашаш и да се запознаеш со случајот и уште еднаш би сакал да те прашам бидејќи седум дена молчи вашата пи-ар служба, вашата партија, вашите функционери, Владата молчи. Еве да те прашам уште еднаш дали праша поради која причина, зошто била задолжена владата да даде две лиценци на веќе познати фирми од струмичко“, го запраша Арсовски соговорникот Костадинов.
Притоа Арсовски потсети дека едната фирма е на Тони Котев претседател на СДСМ, Ново Село, и добил лиценца за одгледување на мapихуана во време на вонрeдна состојба. Втората фирма е каде што менаџер е исто роднина на Тони Котев, и воедно и син на осуден градоначалник за шверц со цигари и близок пријател на Зоран Заев, Боро Стојчев.
„Еве имаш прилика на јавноста да и објасниш дали ова е грижа за здравјето на граѓаните, каде што наместо да се грижите за здравјето на граѓаните и да се обидете да ја намалите пaндемијата, вие делите лиценци за одгледување на mapихуана. Очигледно во моментов дека бизнисот со kaнабис е поважно од здравјето на граѓаните“, истакна Арсовски.
