Додека во другите општини владата ги отпишува обврските на општинските јавни претпријатија или директно ги помага општините, Општина Ѓорче Петров е принудена да зема кредити и заеми за да реализира проекти од јавен интерес. Со оглед на тоа што ние како општина немаме јавни претпријатија а со тоа немаме основ да добиеме помош преку законот за отпис на долгови на јавни претпријатија ниту пак ни е доделена директна помош од владата каква што на пример доби општина Арачиново на денешната седница како координатор на советничката група на ВМРО-ДПМНЕ и Коалицијата побарав да донесеме Заклучок како совет со кој што ќе иницираме до Владата на РМ да донесе Одлука со која што ќе се отпишат обврските на нашата општина и со тоа ќе добиеме еднаков третман исто како и останатите општини. Со оглед на тоа што обврските на ОЃП од денес натаму ќе изнесуваат над 80 мил. денари таа помош ќе биде потребна, многу повеќе од онаа на Општина Арачиново. За жал Иницијативата со надгласување беше отфрлена од мнозинството советници на СДС и на тој начин граѓаните на Ѓорче останаа повторно како и секогаш во минатото во втор план и во подредена позиција од страна на оваа власт.
