Крег се има појавено во 4 продолженија за агентот Џејмс Бонд, а неговиот петти филм „No Time to Die“ премиерно ќе биде прикажан во 2020 година. Колку пари има заработено актерот од славната улога?
Првиот негов филм „Casino Royale“, прикажан во 2006 година, заработи 599.046.960 долари и така ја оствари најголемата заработка, додека „Skyfall“ не го надмина со заработка од над милијарда долари.
Неговото богатство значајно порасна откако почна да го глуми Џејмс Бонд. Во 2015 година се најде на листата на Forbes за најплатени актери, со заработка од 27 милиони долари за филмот „Spectre“. Беше најплатен актер и во 2012 година и во 2015 година. Додека заработува околу 25 милиони долари по филм за Џејмс Бонд, во 2016 година по снимањето на „Spectre“ медиумите пишуваа дека добил понуда од околу 150 милиони долари да сними уште два филма за агентот 007. По продолжението на „No Time to Die“, ќе биде третиот актер, по Роџер Мур и Шон Конери, кој најдолго го глумел најпознатиот агент.
