Вашингтон го блокираше одржувањето на седницата на Советот за безбедност на ООН за кризата меѓу Израел и Палестина, која требаше да се одржи на 14 мај.
„Членовите на Советот за безбедност на ООН не можеа да постигнат консензус за одржување на отворена седница во петокот“, рече Постојаната мисија на Кина, која го презеде претседателството со Советот за безбедност во мај.
САД предложија отворената седница на Советот за безбедност на ООН за Палестина и Израел да се одложи до 18 мај, стои во писмото на претседателот на Советот за безбедност.
Ескалацијата на конфликтот меѓу Газа и Израел продолжи и денес. Алармните сирени се огласуваат уште од зори, а бројот на жртвите расте. Хамас тврди дека испукал десетици ракети низ Израел. Портпаролот на израелската армија Хидал Зилберман објави дека плановите за можна копнена инвазија на појасот Газа ќе бидат претставени на израелскиот Генералштаб за одобрување.
