Тодор Петров, претседателот на Светскиот Македонски Конгрес во своето гостување во емисијата Неделен брифинг со Сотир Костов, коментирајќи го семакедонскиот протест за правда на уставобранителите кој се одржа на 25 април, истакна дека народот и одржа на власта лекција по демократија за величествен, достоинствен, мирен и нeнасилен протест, за разлика од вaндaлизмот и дecтрукцијата на Шарената револуција.
„На семакедонскиот протест пред два дена, на 25 април, Македонците по род и државјанство, кои масовно учствуваа го победија стравот од репресија на марионетската влада на Зоран Заев. И тоа повеќе никој и никогаш не може да го смени. Марионетската влада на Зоран Заев, поради велепредавството на државата и нацијата, мора да замине во историја и доживотна робија со конфискација на личен имот и имот на семејствата дома и во светот. Семакедонскиот протест одржа лекција по демократија за величествен и достоинствен, мирен и ненасилен, без ниту една материјална штета, и со ниту една навреда против било кого, за разлика од вандализмот и деструкцијата на Шарената револуција со чија заслуга марионетската влада на Зоран Заев ја продаде честа на нацијата и името на македонскиот народ и на државата Македонија“, истакна Петров.
Емисијата Неделен брифинг во живо можете да ја следите ТУКА
