Кандидатот за градоначалник на градот Свети Николе Дејан Владев преку статус на Фејсбук пишува дека нема да ветува нереални и мегаломански проекти туку ќе се обиде да ги реши реалните проекти во градот.
-Со одлука на Извршниот и Централниот комитет на ВМРО-ДПМНЕ на предлог на Претседателот Христијан Мицкоски сум избран за кандидат за Градоначалник за општина Свети Николе. Честа е голема но одговорноста уште поголема. Свети Николе е град во кој израснав, се школував,тука живее моето семејство и моите пријатели. Во Свети Николе работам и го остварувам мојот работен и политички ангажман. Затоа ќе сторам се за да нашиот град биде пристојно место за живеење.
Владев нагласи дека наместо нереални проекти, анцентот на програмата ќе биде решавање на секојдневните проблеми на граѓаните
„Нема да ветуваме нереални и мегаломански проекти туку акцентот на нашата програма ќе биде на решавање на реалните проблеми со кој секојдневно се соочуваат граѓаните на Свети Николе. Улици, канализации, младите и спортот, заборавените рурални населени места и хигиената,земјоделците, пензионерите…. ќе бидат врвен приоритет за новата локална власт. Ветувам чесен пристап до граѓаните и отворени локални институции за сите“, ветува Владев
„На Свети Николе му требаат промени а промените ќе се случат на 17 октомври. Да сте живи и здрави“, додава тој.
