Учениците во средното училиште „Стоунман Даглас“ во американската сојузна држава Флорида со мобилен телефон го снимиле масакрот кој во средата го изврши Николас де Хесус Круз
Убиецот тој ден во училиштето влегол со полуавтоматска пушка АР-15 и низ вратата на училниците почнал да пука по учениците и вработените во училиштето. Неговиот поход траеше три минути.
Снимките кои се појавија на социјаните мрежи сведочат за хаосот кој учениците го доживеале тој ден.
https://www.youtube.com/watch?v=7SSMi56xmj4
На една од нив се гледа како учениците седат на подот на училницата и чекаат помош. Низ вратата на просторијата потоа влегуваат вооружени полициски сили, на што учениците веднаш ги кренаа рацете во воздух. Шокантната снимка е уште пострана бидејќи може да се видат рацете кои им се тресат на учениците.
На друга снимка може да се слушнат звуците од пукањето, како и врисоците на учениците. „О боже, о боже“ може да се слушне на видеото.
Според пишувањето на „Дејли Мејл“, учениците, за да дојдат на сигурно, мораа да трчаат по крвавите ходници полни со безживотни тела.
this picture was added after the video pic.twitter.com/jUDxltKWTp
— laur (@laurjpg) February 14, 2018
На една фотографија која се појави на Снепчет, може да се видат дупки од куршуми во лаптопот на еден од учениците.
„Беше навистина лошо. Секаде имаше дупки од куршуми. Сите беа во паника. Не го видов напаѓачот, но пукаше во мојата училница. Не можеше да влезе бидејќи вратата беше заклучена“, рече ученикот Метју Вокер за Еј-Би-Си.
Откако Круз испукал 10 до 12 куршуми во неговата училница, продолжил понатаму. „Само одеше од училница до училница и пукаше во децата“, се присетува шокиран ученик.
