Хрватските медиуми бомбастично го најавија спојувањето на двата кошаркарски клуба од Загреб и Љубљана, а денеска веќе и официјално е потврдено, Цедевита и Олимпија ќе се спојат во еден тим.
Екипата на Цедевита доминираше во хрватскиот шампионат цели пет години, а оваа сезона ведаш по поразот во финалето, официјалните лица од клубот потврдија дека преговорите со словенечкиот тим се во завршна фаза и во идната сезона, екипата ќе настапува како Олимпија Цедевита.
“ Со радост можеме да потврдиме дека се во тек преговори со словенечките партнери во КК Петрол Олимпија Љубљана. Деталите од проектот ќе ги претставиме на официјална прес конференција на 4 јуни во салата „Стожице“во Љубљана на која ќе бидат присутни претседателот на КК Олимпија, Томаж Берлочник и претседателот на КК Цедевита, Емил Тедески“, стои во соопштението на хрватскиот тим.
Новиот тим Олимпија Цедевита би имал буџет од 2.5 милиони евра со кои бил еден од главните фаворити за триумф во АБА Лигата.
