Дрвото Моринга, за чии лековити својства кај нас се` уште малку се знае, расте во одредени делови во Африка и Азија. Интересно е што може да се употребува секој дел од дрвото, буквално од корен до плод.
Придобивките од моринга се бројни: зајакнување на имунитетот, подобрување на циркулацијата, регулирање на шеќерот во крвта, антивоспалителни својства, одржување ментална рамнотежа, против артрит, за мазна и убава кожа и уште многу други.
За оние кои имаат недостиг од железо, ова дрво е вистинското решение. Содржи три пати повеќе железо од спанаќот, а е добар извор и на протеини. Има два пати повеќе протеини по грам од обичниот јогурт и четри пати повеќе калциум, од млекото. Ќе ве зачуди, но навистина е така, морингата има седум пати повеќе витамин Ц од портокалите.
Содржи над 40 антиоксиданси, поради што е корисно во превенцијата од многу малингни заболувања.
Може да се користи во вид на масло, чај, да се додава сирово во шејкови, како зачин за салати и слично. Лошата вест е што кај нас не е многу застапено на пазарот, па моринга во прав или масло од ова дрво, единствено може да се најде во подобро снабдените продавници за здрава храна.
