Професорот Димитар Апасиев, инаку член на президумот на партијата „Левица“, на својот ФБ профил речиси сликовито ја објасни погрешната политика на прогресивен данок, и како тоа најсилно ќе се одрази врз т.н. средна класа
„Ај вака почетнички:
1. НИСКА КЛАСА се оние кои живеат од мануелен труд (физички работници, фабрички работници, шивачки, мајстори, занаетчии, земјоделци и сл). Тие треба најмалку да ги даночиме.
2. СРЕДНА КЛАСА се оние кои живеат од интелектуален труд (лекари, професори, учители, адвокати, економисти, инженери, уметници, преведувачи, бирократи и сл.). Тие треба средно да ги даночиме.
——————————————————————————
3. ВИСОКА КЛАСА се оние кои, за разлика од првите две – кои се „работничка класа“ – не живеат од труд, туку од капитал (индустријалци, фабриканти, великосопственици на земјишта, газди, олигарси, градежни мафии и сл.).
Пред да ги даночиме првоспоменатите две класи – со персонален данок – мора прво да ја одданочиме оваа последнава „капиталистичка класа“! А таа класа не се даночи со персоналец [баш поради тоа што не живее од труд], туку со други видови даноци: данок на луксуз, данок на богатство, корпоративен данок на добивка, данок на имот и данок на наследство 😉
Така да, додека ние – припадниците на пониските две класи – си вадиме очи меѓусебе дали ќе плаќаме 10% или 18%, припадниците на највисоката класа ни пукаат сеир и „инвестираат“ паметно: во кампањите на клиентелистичките бизнис-партии СДСМ и ДПМНЕ кои три децении уопште не ги чепкаат!
Сеа, ваљда, контате како стојат работите у „реалниот сектор“ 😉
Епа, на здравје бричење.“ – напиша Апасиев.
