Турскиот претседател Реџеп Таип Ердоган рече дека НАТО, без Турција, ќе се соочи со пречки што би го загрозиле опстанокот на Алијансата.
„Без Турција, НАТО ќе биде тешко не само да ја зачува својата сила, туку и да преживее. Турција целосно ги исполнува своите обврски. Ја препознава важноста на зачувување на НАТО, без оглед на тоа што Турција беше оставена на цедило во време кога и беше потребна најголема поддршка“, рече турскиот претседател во телевизиското обраќање, коментирајќи го минатонеделниот самит на НАТО.
Според неговата проценка, Алијансата не успеа да ја покаже силната волја што се очекуваше од неа во регионалните кризи, од Ирак, преку Сирија и палестинските територии до Либија.
„За време на самитот, ние уште еднаш посочивме дека ставот лоши терористи, добри терористи е погрешен“, рече Ердоган и додаде дека очекува поискрен и посилен придонес од НАТО во борбата против Работничката партија на Курдистан на јужните граници на земјата.
Таа партија е забранета во Турција.