Две лица биле пронајдени без знаци на живот во нивниот дом во Призрен. Жртвите се таткото и ќерката, и дека станува збор за убиство, потврдија за Газета експрес од косовската полиција и Обвинителството.
Главниот обвинител на Основното обвинителство во Призрен, Адмир Шала, потврди дека едниот од починатите е припадник на косовската полиција, а за другото се претпоставува дека е неговата ќерка.
Тој исто така потврди дека надлежните органи излегле на терен, по што било утврдено дека две лица починале поради рани добиени од огнено оружје, но дека засега не се познати сите други околности.
Косовската полиција изјави дека полицијата излегла на местото на настанот откако било пријавено дека се слушаат истрели на улицата Дурмиш Аслани и дека се води интензивна истрага, пренесува порталот „Коссев“.
