Кандидатот за градоначалник на Општина Битола од ВМРО-ДПМНЕ, Тони Коњановски вели дека гарантира дека во рок од СЕДУМ дена од неговото официјално преземање на градоначалничката обврска, започнува со чекори за операционализирање и конкретизирање на активностите кои ќе значат работа и функционирање на општината.
Тоа се прецизни акциски планови за седумте клучни подрачја:
1. Подобри услови за живот за сите луѓе кои живеат во општна Битола – најмалку две нови инвестици и нови работни места за младите.
2. Ефикасна дигитализирана општина
3. Урбана инфраструктура веднаш, зелена и чиста Битола
4. Образование за 21 век, социјална заштита според индивидуалните потреби на секој поединец, разновидна и уникатна културна понуда.
5. Битола не смее да губи ни ден во борбата за здрава животна средина.
6. Битола топ туристичка дестинација.
7. Битола град на спортот, на спортистите и спортската публика, вели Коњановски.
Посочува дека во првите 70 дена ќе ги претстави резултатите од преземените активности и плановите за остварување на 241 проект со кои што ја бара довербата, кои ги препознале граѓаните како неопходно потребни за Битола, и како решавање на проблемите со кои се соочуваат заедно.
-Заради најмалку седум причини, на 31 октомври остануваме на заедничката страна и победуваме заедно за Битола, за секој од нас, за нашите деца, нашите внуци.
1. Јас нема да се штедам и подготвен сум да ги реализирам овие 241 проект
2. Знам како да направам оперативен план и стручни тимови, тоа да биде ефикасно и ефективно реализирано
3. Општината е јавен сервис и ќе работи исклучиво во партнерство со сите вас – нејзините граѓани
4. Свесен сум дека треба некои работи од темел да ги покренеме и силно да притискаме за нивна реализација – како гасификацијата и топлификацијата
5. Тврдам дека целиот интелектуален, стручен и граѓански потенцијал ќе го мобилизирам во интерес на градот
6. Како советник со четиригодишен мандат зад себе, точно знам како функционира локалната самоуправа и како може да се подобри тоа
7. Јас сум еден од вас, сите не мачат истите проблеми и оттаму и мојата мотивираност да влезам во борбата за подобар живот на секој кој што живее во општина Битола, посочува Коњановски.
