Пејачката Наташа Беквалац одлучи да се ослободи од сите пороци, поради што има тешки маки.
Имено, Барбиката од Нови Сад со години е зависна од цигари од кои итно сака да се ослободи и да започне поздрав начин на живот.
„Седми ден како не запалив цигара. 10 години мислев дека цигарите се мојот најдобар пријател, уживав да ги конзумирам … Додека едно утро кога станав и сфатив дека не сум слободна жена. Тоа ме исплаши и многу ме вознемири. Не сум слободна затоа што ме контролираат цигарите. Првото нешто на што помислив тоа утро беше цигара“, се пожали Наташа на социјалните мрежи и додаде:
„Всушност сфатив дека го обожавам она што ме уништува, ме повредува и ме прави зависник. Слично како кога сте со манипулатор … Многу е заводливо … Ова е една од најтешките борби со кои сум се борела и морам да признаам еден од посилните противници. За среќа, не постои посилна сила од силата на љубовта … Значи … Убаво се забавувавме, сега морам да продолжам сама, ти ме повреди и јас повеќе не те сакам “, тврди храбрата Наташа.
