Во Србија досега, според најновите податоци, против коронавирус се вакцинирани 513.652 лица. Вакцинацијата продолжува и денеска на повеќе пунктови.
Секоја од вакцините бара давање на две дози во одреден временски период, а ревакцинацијата во Србија почнува од 9 февруари. За примање на втората доза не е потребна нова пријава.
Според последниот пресек во Србија како последица од Ковид-19 починале 15 лица, а регистрирани се нови 1932 случаи.
Србија сè уште е втора во Европа според бројот на вакцинации на милион жители, покажуваат најновите податоци на Владата на Србија.
Според бројот на вакцинации на милион жители само Велика Британија е подобра од Србија ,а потоа се Малта, Данска, Исланд, Ирска, Романија, Словенија, Литванија, Швајцарија, Шпанија, Италија.
Кога станува збор за регионот, Србија е убедливо прва по бројот на вакцинации на милион жители. Следуваат Романија, Словенија, Унгарија, Хрватска и Бугарија.
Според вкупниот број вакцинирања, Србија е втора во регионот, по Романија, а зад Србија се Унгарија, Хрватска, Словенија и Бугарија.
Како што објави Алијансата за вакцини Гави, Србија во првата половина на 2021 година од Ковакс механизмот треба да добие 345.600 дози на вакцината на АстраЗенека против Ковид-19.
