„Љупчо Николовски денеска го забетонира СДСМ на дното“, реагираше портпаролот на ВМРО-ДПМНЕ, Наум Стоилковски, за кандидатите за градоначалници од СДСМ кои денеска беа објавни.
„Кандидатите кои СДСМ ги предложи се стари истрошени кадри, небитно дали како градоначалници или функционери на други позиции. Онаму како што СДСМ сака да прикаже нови луѓе, поставува стари кадри познати по сменети и по десетина функции. На пример, Горан Сугарески за Прилеп или Душко Весковски, не може да биде ново лице, кога е веќе познат како лош директор на ЈП Водовод и канализација Скопје. Нови луѓе не се ниту кандидатите за Јегуновце, Брвеница, Чешиново и Облешево и Свети Николе. Затоа е и расколот во СДСМ, заради проблеми со недостаток на квалитетни луѓе, па затоа избира лица за пораз. Колку и да се вешти во измамите СДСМ, ова нема да им успее. Старите и истрошени лица, сите кандидати на СДСМ за спас на криминалот на Зоран Заев. За 4 години градоначалниците од СДСМ, поголем број и сега кандидати немаат реализирано ни една петтина од нивната предизборна програма. Во 4 години кадрите на СДСМ само ги задолжија нивните општините. И можеби сите се стекнаа со прекарот „комшија” заради системот стан за секоја маркица за зграда. Со вакви луѓе општините не можат да очекуваат развој“, изјави Стоилковски.
Порпаролот порача дека ВМРО-ДПМНЕ нуди нова надеж, нов план и нова стратегија. ВМРО-ДПМНЕ нуди чесни професионалци и луѓе кои стојат до дадениот збор.
Време е за Македонија за сите луѓе.
